Loron Valentine: Selebrasaun no Koomodifikasaun

Loron Valentine: Selebrasaun no Koomodifikasaun

Siapapun yang tidak tahu apa-apa, tidak mencintai apapun. Siapapun yang tidak berbuat apa-apa, tentu, juga tidak mengerti apapun, dan Siapapun yang tidak mengerti apa-apa, adalah tidak berguna (Paracelsus).

Hela deit loron rua, atu tama Ba loron santu Valentino ninian (14-02), mungkin ema barak mak prepara an, fo promesa oioin ba malu hodi selebra loron ne’e. Loron valentine la’os deit fenômenu nasionál, maibé, sai ona fenômenu globál. Iha ne’ebé, ema konsidera loron 14-02, nu’udar loron domin. Maske nune’e sosiedade maioria seidauk komprende loloos Kona-ba sentido husi domin no loron ne’e rasik. Domin, la’os deit ‘sekedar perasaan’, sentimentu, maibé nu’udar prática ba libertasaun. La ho domin, mundu nakonu deit ho dominasaun, no injustisa sei mai fila-fila hodi ha-atan ema. Iha artigu ida ne’e, hakerek na’in sei la foku direta ba istoria oinsa loron ne’e mosu, no tanba sa ema konsidera loron ne’e nu’udar loron domin? Maibé, foku liu ba misunderstanding sosiedade (foinsa’e sira) Kona-ba sentido husi domin ne’e rasik. 

La’os ona buat foun, nu’udar joven ida, ita sempre akompanha saida mak akontese ona no sei akontese iha selebrasaun loron santu Valentino? Konserteza, ema barak sei selebra loron ne’e ho nia namoradu/a iha tasi ibun, aí-laran tuan no du’ut laran sira, uma at, no fatin seluk tan. Balun sei entrega sasan ba malu, hanesan ai-funan, chocolate, boneka, Bahkan to’o osan. Eh, iha seluk simboliza domin ne’e ho atividade “bercocok tanam” (versaun Indonésia) ka fó prejente ba malu hodi selebra loron ne’e ho atividade relasaun sexual. Buat baibain ida. Nu’udar umanu la ses hósi sex. Maibé, apakah domin ‘sebatas’ fo presente (material tantu non-material) no halo sex? Apakah, domin sebatas perasaan husi ema ida ba ema seluk? 

Atu hatan ba hahusuk rua iha leten, Erich Fromm, bele tulun ita ho kle’an no klaru liu. Iha nia obra, The art of Loving, senih mencintai, Fromm hahu ho pergunta ida ne’ebé ke fundamental liu. “Apakah cinta merupakan seni?” Jika memang demikian, maka cinta memerlukan pengetahuan dan perjuangan. Ataukah, cinta hanya sebentuk perasaan menyenangkan yang dialami kebetulan saja, sesuatu yang membuat kita tercebur ke dalamnya jika sedang beruntung? From hahu nia obra ne’e bazeia ba premise primeiru, katak domin maka arte ida ne’ebé presiza konesementu (Knowledge) no resistido.

Ohin loron, ita hotu akompanha, iha sosiedade Kapitalismu, sentido husi loron valentine infrenta mudansa boot no lakon nia sentido ida loloos. Valentine nia luta ba liberdade domin, Laos simboliza ho oferese chocolate, osan, boneka (material seluk tan), la to’o deit iha selebra loron ne’e ho atividade sexual, maibé prática da libertadora. Kontra dekretu lei ne’ebé produz husi imperiador (liurai) Claudius II hasai iha sekulu-3 liu ba, hodi bandu joven mane sira ne’ebé sai soldadu labele iha “fen no oan”. Haree ba desizaun Polítika ida ne’e hamosu “injustisa” iha momentu ne’ebá, santu Valentino Foti iniciativa hodi kontra imperiador Claudius II, secretamente nia fo kazamentu suba-subar ba soldadu joven sira. 

Istoria rebeliaun ne’e remata iha 14-02-278. Imperiador sira kaptura santu Valentino hatama nia iha kadeia. No fo kastigu mate kotu (Pena morte). Santu Valentino nia luta ba ema barak nia liberdade. Laos ba ema ida no rua deit, maibe ba ema hotu iha mundu. Haree ba santu Valentino nia luta ida ne’e, maka parte igreja católica, liu husi Papa Gelásiu I, iha tinan 494 (sekulu-5), deside loron 14 fulan Fevereiru nu’udar loron domin, loron santu Valentino nian. Loron ne’ebé santu Valentino simu kastigu mate kotu, no nu’udar finalidade husi nia peregrinasaun. Ohin loron, Laos deit ona sarani católica mak selebra loron ne’e maibe ema hotu iha mundu. Inklui hau ida hakerek ne’e rasik, maske la fo prejente furak ruma ba familia no hau-nia doben. Husik artigu ida ne’e nu’udar prática libertadora husi Konsiénsia falsu no misunderstanding sosiedade Kona-ba domin iha mundu kontemporaneo. 

Loos katak, iha sosiedade Kapitalismu sentido husi loron ne’e hasoru mudansa boot. Kapitalismu subar nia ikun iha loron ne’e nia kotuk hodi halo koomodifikasaun (merkantilizasaun) ba buat hotu. Loron ne’ebé nakonu ho resistensia, sai deit selebrasaun baibain, rei malu, fo prejente ba malu, halo sex no seluk tan. La preokupa “injustisa” ne’ebé mosu fila-fila no buras iha sosiedade ohin loron. Akresenta, domin la’os liafuan mamuk deit, maibé tenke materializa iha mundu real liu husi luta ba libertasaun ema sira ne’ebé lakon nia liberdade. 

Fila ba Erich Fromm, Fromm hahu kestiona ‘sikap aneh’ sosiedade kona-ba domin iha parte tolu: 1. Ema preokupa liu ba problema ‘dicintai’ (to be loved) kompara ho ‘mencintai’. 2. Ema barak konsidera katak problema domin ne’e iha objek, Laos kapasidade. 3. Misunderstanding Kona-ba esperiensia laran monu (falling in love) no hamriik iha domin (standing in love). Nah, oinsa atu ema seluk bele hadomi nia (dicintai)—tantu feto no mane— sira Buka maneira oi-oin atu bele atraí ema seluk nia laran. Ba mane, oinsa nia hakarak atraí feto ida, maka nia tenke susesu, riku, iha Kapital sosiál, no seluk tan, ezemplu. Iha mós dalan seluk ba feto sira, maka oinsa nia bele Kuidadu nia isin halo Di’ak, vestuário, “life style” no seluk tan (Erich Fromm: 1957, 11-12).

Segundu, ema barak hanoin katak, problema Kona-ba domin ne’e Laos iha maneira oinsa atu hadomi ema ida, maibé iha objetu ne’ebé atu hadomi nia ne’e. Situasaun ida ne’e akontese depois de Funu mundiál dahuluk, iha sekulu 19 (lee, Sigmund Freud) bainhira Kapitalismu domina mundu,  nia muda tomak ema nia metodu hanoin, karakter, kultura, no buat seluk tan. Ida nee mak Marx hanaran koomodifikasaun iha sosiedade Kapitalismu. Iha ne’ebé mak ema na’in rua hetan malu, bainhira objek ne’ebé sira hakarak bele truka (barter) ba malu, domin mos bele mosu husi ne’ebá. Ita boot sira akompanha rasik, konserteza ema ida-idak iha esperiensia rasik—feto no mane— bainhira mane haruka feto atu hola telfone ba nia, maka feto la halo tuir, mungkin, nia konsekuensia, mane deside hakotu domin ne’e, tan deit feto la halo tuir, ezemplu. Ou, feto hakarak mane tenke iha kareta, KLX, iPhone, bainhira nia hakarak ida ne’e mane la hatan, feto bele Foti desizaun husik mane ne’e, hodi hili fali mane seluk. Jadi, domin nia problema iha objek, Laos iha maneira oinsa atu hadomi. Maske, la ema hotu-hotu hanesan ne’e. Maibé, maioria akontese! 

Terseiru, misunderstanding Kona-ba esperiensia (falling in love and standing in love) Hirak ne’e. Karakter terseiru nee halai liu ba ema na’in rua ne’ebé la kuñese malu, hetan malu derepente, laran monu diretamente. Ba Fromm, domin ho tipu ida hanesan ne’ebá, domin ida ne’ebé mak la dura, no nia finalidade sei Lori ema ba iha “kesepian” no alienativu (keterasingan). Fromm hateten: 

Ketika dua orang yang sebelumnya merupakan orang asing satu sama lain bersepakat untuk meruntuhkan tembok yang selama ini memisahkan mereka, dan kemudian mereka merasa dekat, merasa satu, maka momen kesatuan ini merupakan salah satu pengalaman yang paling menyenangkan dan mempesonakan dalam hidup…namun harus diingat bahwa cinta tipe ini, pada hakikatnya, tidak akan pernah bisa berlangsung lama karena pada proses berikutnya dua Pribadi tersebut akan mengenal secara lebih baik, segingga keintiman yang selama ini mereka rasa…pada akhirnya, akan melahirkan kekecewaan dan kebosanan (From: 1957,14).

La to’o deit iha nia definisaun no misunderstanding sosiedade Kona-ba loron valentine, Domin, maibé iha mós elementu lubuk ne’ebé bele fó provas ba ema ruma, atu avalia ema ne’ebé ita hadomi ne’e, nia hadomi ita duni ka lae. Fromm klasifika elementu domin iha haat (4), mak hanesan: 1. Perhatian (care) 2. Tanggung jawab (responsibility) 3. Penghargaan (respect) 4. Pengetahuan (knowledge). La ho elementu haat ne’e, ita la’os moris iha kondisaun ida haksolok no kontente, só moris deit iha relasaun ida ne’ebé nakonu ho presaun, dominasaun. Halo ema ida lá sente livre iha kada relasaun ne’ebé ita kria ho ema ida iha sosiedade ida. 

Dalabarak ita akompanha, iha sosiedade, sempre mosu sala komprende ba liafuan domin ne’e rasik. Maioria, konsidera domin maka ema na’in rua—feto no mane— hala’o relasaun namora, forma ona familia, to’o deit iha ne’e. Sira sempre hakloot sentido husi domin ne’e ba deit buat kiik oan ne’ebe la representa sentido husi domin ne’e rasik. Se Erich Fromm dehan domin nu’udar arte ne’ebé o presiza kuñesementu no luta hodi atinji nia objetivu loloos, libertasaun. Maka, ba ha’u konsidera katak domin maka moris. La ho moris domin la eziste. Ne’ebé Fromm dehan, “bicara tentang cinta, bicara tentang eksistensi manusia”. Tanba ne’e, Fromm la hakloot objek cinta ne’e ba deit cinta erotismu, maibe nia fahe ba objek Lima (5), mak hanesan: 1. Cinta Persaudaraan (brotherly love), 2. Cinta keibuan, 3. Cinta erotis, 4. Cinta diri no, 5. Cinta tuhan (Fromm: 1957. 54-68)

Husi elementu no ‘objek’ domin ne’ebé iha, ba Fromm, sentido loloos husi domin ne’e maka ‘fó tomak’, Entrega tomak. Iha sentido ida ne’e, la signifika atu fo tomak ita nia sasan ba ema ruma, maibé, entrega tomak Ó nia an (moris), ba sujeitu ka objetu ne’ebé ita hadomi. Iha asaun ida fó ne’e sei hamoris buat ida: Haksolok hamutuk. From dehan: Cinta adalah kekuatan yang melahirkan cinta, dan impotensi adalah ketidakmampuan untuk menghasilkan cinta”. Perspetiva ida ne’e Marx mós akresenta ho furak loos, Marx dehan: 

“Anggaplah manusia sebagai manusia, dan hubungannya dengan dunia sebagai hubungan yang manusiawi. Kamu hanya menukar cinta dengan cinta, kepercayaan dengan kepercayaan…Bila kamu mencintai tanpa mampu membangkitkan cinta…berarti cinta kamu impoten—dan cinta itupun akan berubah menjadi suatu kemalangan (Alfred Kroner, Stuttgart, 1953. 300—301).

Ita bele haree istória, ema sira ne’ebé fó sira-nia-an (moris) tomak ba resisténsia hodi liberta ema barak. Bele haree santu Valentino nia luta. Iha relijiaun katolika nia istoria, ita kuñese figura boot ida ho naran “Jesus Christ”, ne’ebé luta kontra imperium sira, hodi liberta povu tomak. Ita bele haree istoria seluk iha mundu, Kuba, ezemplu, Che Guevara, Fidel Castro, Raul, no sira seluk tan ne’ebé fo sira nia moris hodi liberta povu kubanu. Iha Timor, ita bele lee istoria, haree filmagem sira Kona-ba istoria pasadu, Nicolau Lobato, Borja da Costa, Muqi Bonaparte, Vicenti Reis, ezemplu, luta hodi liberta povu ne’e. Sentido loloos husi domin mak ida ne’e, luta kontra dominasaun hodi lori povu sai husi kondisaun eksplorativu sira. “L’amour est L’enfant de la liberté, Cinta adalah anak kandung Kebebasan; cinta tidak akan lahir dari dominasi dan paksaan” (páj.37). Akresenta, Domin la’os liafuan mamuk deit, maibé prática libertadora. Domin laos fó deit chocolate, maibé lori nia sai husi nakukun ignoransia, dominasaun, no seluk tan. 

Dalabarak ita haree—feto ida ho mane ida— bainhira harii relasaun, tantu foin namora no forma ona familia, sempre hirus malu, tolok malu, baku malu, tarata malu no seluk tan. Ikus konklui dehan ida nee domin. Tolol! Domin la moris husi dominasaun; domin la moris husi pressaun no repressaun; domin la moris husi tolok-trata malu; domin la moris husi tuku-tebe; domin moris husi liberdade! Relasaun mak nakonu ho represaun, opresaun, trata-tolok, tuku-tebe, intimidasaun (hatauk), ne’e Laos domin. Maibé, ketololan (Stupidity) no nafsu.  Dalabarak mos ita akompanha, ema barak Tara-an, hemu racun, tan problema kiik oan ida, feto selingkuh husi mane—vise versa, ema sempre mai ho hanoin ida, katak ida ne’e tanba domin. Tolol! Domin la halo ema terus (Loves can’t hurt), domin la halo ema susar. Tara an Laos sinál domin, maibe Inkapaz atu rezolve problema. Tali Laos solusaun, maibe depresaun. Hirak ne’e hotu mosu tanba ignoránsia. Ignoránsia mosu tanba, edukasaun la tulun ema ba libertasaun ida totál! Domin la Lori ema ba depresaun no represaun. Domin lori ema ba libertasaun, haksolok ida Rohan laek, eternal! 

Koomodifikasaun no Merkadorizasaun. 

Hanesan ita hotu hatene, loron 14 fulan fevereiru nu’udar selebrasaun loron domin nian. Maske nune’e, iha sosiedade moderno, ohin loron, kultura populár ida ne’e sai ona parte ida husi dominasaun Kapitalismu globál—Valentine’s day nakfilak ba prosesu merkadorizasaun. Merkadorizasaun nu’udar prosesu ida husi esforsu servisu ema nian ba hakonu nesesidade primary, sekunder no tersiáriu. Maibé, iha sosiedade Kapitalismu, buat hotu sempre mudansa. Produsaun merkadoria la’os ona atu atende nesesidade komsumidor sira nian, kria nesesidade falsu ho objetivu akumulasaun Kapital, surplus value—nilai lebih. Kapitalista Sira sempre koomodifika sasan Sira hodi bele Moris kontinua (survive) ba oin, importante liu ba Sira maka “profit”, keuntungan, Laos Moris diak Ema hotu nian. Bele haree koomodifikasaun iha parte oioin, chocolate ho forma kurasaun, boneka taka Tan ho liafuan  “I love you, kiss you, miss you nst, ezemplu. Halo Ida ne’e atu atrai konsumidor Sira nia laran. Halo Ita sai sosiedade Ida ne’ebé passiva, sosiedade konsumerismu. 

Iha selebrasaun loron valentine, ema barak husu malu—feto no mane— saida mak sira atu fo ba malu? Balun fó kareta (hebat yah, moris diak, maske ikus fo para), teléfone, osan, aifunan, no seluk tan, prestígio (gengsi). Sempre mosu kompetisaun ida massive iha sosiedade. Para hatudu ba ema seluk katak, hau nia doben hadomi duni hau; hau nia doben mane ida ne’ebé peka. Sasan neebe ema ruma oferese ba nia doben, ida ne’e mak sai sasukat ba ema ruma, katak nia ‘betul-betul’ hadomi hau, ka hadomi hau ho fuan no laran tomak. Enkuantu, ita rasik haluha tiha katak, dibalik ida ne’e, sistema Kapitalismu ida buan manas ne’e maka hamosu no habelar nia dominasaun hodi konstrói konsumerismu massal. 

Hanesan ita hatene, eksistensia merkadoria kapitalis bazeia ba prinsipiu “liberdade Polítika” no parte seluk, merkadu livre. Iha merkadu livre ne’e maka komoditi oioin bele faan no sosa iha ne’ebá. Sasan sira ne’ebé Laos ema nia nesesidade mos faan hotu, maske la importante maibe sosa, tanba sempre lao tuir tempu ne’e nia lao, ema hakarak koko buat foun hela deit, Fromm hatete: 

“Pasar komoditas menentukan syarat-syarat berdasarkan barang-barang yang dipertukarkan…Segala sesuatu atau kepandaian yang dianggap berguna diubah menjadi komoditas yang dapat diperjual-belikan dengan tanpa paksaan dan kecurangan (páj. 85)”.

Syarat-syarat Kapitalisme modernu nia dominasaun la hanesan iha tempu kolonial ninian. Iha ne’ebé, buat hotu sempre mosu ho obriga (paksaan), ohin loron, situasaun sira ne’e mudansa, Kapitalismu bele halo dominasaun liu deit husi média, liliu promosaun sira iha dalan ninin sira. Ita boot sira akompanha, iha fatin barak, liliu estrada públiku sira, liu husi média, osan na’in sira sempre halo promosaun ba sira nia sasan, telefone, susu ben, kareta, motor, no buat seluk tan, ezemplu, Hirak ne’e hotu nu’udar imajen falsu ne’ebé kapitalisme sempre halo koomodifikasaun merkadoria, atu ema bele voluntariamente sosa. Imi haree, maske rinso daya sei iha, sira hamosu tan deterjen, Bunga, no seluk tan, enkuantu, nia funsaun ida deit, hamos foer sira ne’ebé belit iha roupa. Mas sira halo promosaun nafatin hodi dada komsumidor sira. Uluk ita kuñese deit mak tugu buaya, agora kafe oioin deit, Nescafé, torabica, cappuccino, no seluk tan. Uluk boneka kiik oan deit, agora boot tiha hanesan ho ema, Hirak ne’e hotu nu’udar dominasaun merkadu Kapitalismu atu aumenta profit, benefit. Laos atu tulun ema ba moris diak, lae! Abut husi diskrepansia sosiál, kiak, injustisa, marjinalizasaun no seluk tan, maka Kapitalismu ne’e rasik. Kapitalismu la tulun ema, maibe haterus ema.